Kona-ba Programa

KDU fó oportunidade ba komunidade atu hetan edukasaun finanseira ne’ebé simples, praktika no útil ba vida loroloron. Programa Edukasaun Finanseira ne’e kria atu ajuda membru sira komprende oinsá jere osan ho di’ak, halo planu orsamentu, no toma desizaun finanseira ne’ebé responsável.

Kooperativu Dezenvolvimentu Umanu (KDU) harii ho objetivu atu hasa’e literasia finanseira iha komunidade, hodi bele ajuda família no individuu sira atu evita krize finanseira, aumenta poupansa, no prepara futuru ne’ebé stabil.

Liuhosi programa ida ne’e, KDU hakarak kria kultura finanseira ne’ebé consciente, ne’ebé membru sira la’ós deit uza osan, maibé aprende oinsá planeia, investe no proteje sira nia rendimentu.

Objetivu Programa

Programa Edukasaun Finanseira iha KDU nia objetivu principal mak atu hasa’e koñesimentu finanseiru iha komunidade, ajuda membru sira aprende jestaun osan ne’ebé responsável, promosa planifikasaun orsamentu família, no kria konsiénsia kona-ba poupansa, kreditu no investimentu.

Benefísiu ba Membru Sira

Membru sira sei hetan benefísiu hanesan komprensaun klaru kona-ba jestaun osan, kapasidade atu halo planu orsamentu família, melhoria iha hábito poupansa, habilidade atu evita dívida la responsável, no abilidade atu toma desizaun finanseira ne’ebé di’ak liu ba futuru.

Mensajen Programa

Edukasaun Finanseira mak baze importante ba estabilidade vida no ekonomia komunidade. Liuhosi koñesimentu no prática ne’ebé di’ak, KDU hakarak ajuda membru sira atu sai independente, responsável no preparadu ba futuru ne’ebé sustentável.