Kona-ba Programa
KDU fó oportunidade ba komunidade atu hetan asesu ba servisu finanseiru ne’ebé seguru, justu no inkluzivu liuhosi sistema poupansa no gestaun finanseira ne’ebé transparente no responsável. Programa ida ne’e kria atu responde ba nesesidade komunidade iha área ekonomia família, hodi fó dalan ida ne’ebé klaru atu jere osan ho di’ak no sustentável.
Kooperativu Dezenvolvimentu Umanu (KDU) harii ho objetivu atu hametin kultura poupansa iha komunidade, ajuda membru sira jere sira nia osan ho di’ak, no fasilita planeamentu finanseiru ne’ebé apoia família no negósiu ki’ik sira atu dezenvolve ho sustentável. Liuhosi sistema ida ne’e, KDU hakarak kria ambiente finanseiru ne’ebé justu, inkluzivu no bele suporta kresimentu ekonomia lokal.
KDU mos fokús ba edukasaun no konsiénsia finanseira, atu membru sira la’ós deit simu servisu finanseiru, maibé aprende oinsá uza osan ho inteligente, planu futuru, no evita risku finanseiru iha vida loroloron.
Objetivu Programa
Programa Poupansa Gestaun Finanseira iha KDU nia objetivu principal mak atu hametin kultura poupansa iha komunidade, promove gestaun finanseira ne’ebé responsável no transparente, apoia planeamentu finanseiru ba membru sira, fasilita asesu ba kreditu mikro ne’ebé justu no inkluzivu, no hasa’e edukasaun finanseira iha komunidade.
Benefísiu ba Membru Sira
Membru sira sei hetan benefísiu hanesan sistema poupansa no kreditu ne’ebé seguru, transparénsia iha transasaun finanseira hotu, apoia ba negósiu ki’ik no família, konsultasaun no edukasaun finanseira contínua, no ajuda membru sira jere osan ho di’ak no responsável hodi prepara futuru ne’ebé sustentável.
Mensajen Programa
Poupansa Gestaun Finanseira la’ós deit sistema finanseiru, maibé dalan ida atu hametin estabilidade vida família, fó esperansa ba juventude, no kria oportunidade ba komunidade tomak.
Liuhosi disiplinasaun iha poupansa, gestaun finanseira ne’ebé responsável, no solidariedade entre membru sira, KDU hakarak kontribui ba hari’i komunidade ne’ebé forte, independente, no sustentável.